作為校長同媽媽呢個雙重身份，我都理解你地對Messy Play既又愛又恨! 其實用坊間上Messy Play一堂既價錢 (多數$200起跳) 都足夠你買一份Start Up Kit慢慢係屋企玩。想喺屋企輕鬆展開 Messy Play，以下推薦幾個可以簡單開始既Item俾大家，一齊幫小朋友建立感官探索體驗!
01｜Messy Play 必備感官盆 (Sensory Tub)：選購指南
講得Sensory Play，應該直觀都覺得應該要一有一個Sensory Tub，根據多年經驗，以下簡單話你知我推薦邊一種感覺盆/工具。
✅ 推薦選擇
- 摺疊『巨型』感官盆: 非常適合幼齡兒童 (18個月以下) 因為可以成個人坐係入面，方便深度探索，同時非常易於整理!
- 適當深度的感官桌：優點是清理時比較乾淨不易溢出，但需注意容量較深時，所需要既感官物料（如米、豆類）也會較多。
- 帶腳架的感官盆：方便小朋友站立進行感官探索，選購時一定要留意高度是否切合孩子身形。
- 大容量透明儲物盒：可直接放在桌面玩，最大好處是玩完蓋上蓋子就能保存，方便下次繼續玩！
❌ 不推薦選擇
- 野餐墊：深度不足，除非搭配極易清潔既乾性物料，否則收拾過程會非常辛苦。
- 報紙：含有油墨毒素且極易破爛。
- 膠袋 / 膠枱布：雖然便宜，但小朋友坐下起身時易將枱布扯起，造成混亂災難。
02｜圍裙 / 長款畫畫衣 / 舊衣物
父母如果想放鬆玩，一定要預備好圍裙 / 長款畫畫衣，因為無論點整污糟都唔會心痛! 不過想再簡單D，拎幾套舊D既衫仔出黎，以後逢係玩Sensory Play都用佢地，簡易製作一套感官遊戲既『制服』!
03｜工具
其實真係『萬物都可以探索』。除左買坊間一套一套既工具之外，其實廚房既工作亦都可以俾小朋友用黎做感官探索 (當然要先清潔以及確保工具既安全性)。如果要購買，推薦買以下既工具組，因為其他家用物件代替唔到佢地-
滴管類型:
對小肌肉發展好有幫助，而且用唔同既工具需要用唔同既力度，變相令小朋友理解到點樣用『合適既力度』，對將來寫字及填色好有幫助!
印模類工具:
可以係煮食用既曲奇模等等，多數係泥膠狀或者可以塑型既感官遊戲常用。可以模仿煮食既過程之餘，用模具整唔同既圖案亦非常有趣。
夾類:
留意，夾類好多時家長都會預備，但其實唔同既夾係適合唔同月齡既小朋友。常見既兩抓夾適合2歲以下既小朋友，因為比較容易發力。而三抓夾比較適合2歲以上既小朋友，因為你會留意到其實拎住三抓夾既手勢同佢地將來執筆非常相似，有助寫前練習。
木質廚房工具:
常見既有湯匙、筷子、木碗等。木質教具摸起來嘅溫潤觸感，絕對比塑膠更有溫度! 一套簡單嘅木碗、木匙、木漏鬥，能陪伴小朋友玩米、燕麥、豆類玩好多年。
04｜顏料
唔想玩黎玩去都係黑白啡，食用色素可以話係感官遊戲必備既靈魂! 可以加係水、意粉、啫喱入面，令到成個主題即刻出到黎!
除左食用食素之外，亦可以預備安全無毒既水彩同Finger Paint，為感官遊戲增加更多樂趣!
